Batys Qazaqstanda ınfektsııalyq statsıonarda jatqandar sany 455-ke jetti
ORAL. QazAqparat - Batys Qazaqstan oblysynda 1123 tósektik 18 ınfektsııalyq statsıonarda jatqandar sany 455-ke jetti, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, sonyń ishinde Oralda 600 tósektik 5 statsıonarda 375 naýqas emdelýde.
Sonyń ishinde 36-sy jansaqtaý bóliminde jatyr.
Basqarma málimetine qaraǵanda, 1444 (679-y ınfektsııalyq, 765-i karantındik) tósek-oryn rezerv retinde ázirlendi.
Aldyńǵy táýlikte koronavırýs juqtyrǵan 13 adam ǵana tirkelse, keshe 88 naýqas anyqtaldy.
Sońǵy táýlikte aldyńǵymen salystyrǵanda, aýrý juqtyrý kórsetkishi 7,2 paıyzǵa (37) tómendedi.
Іndet bastalǵannan beri oblysta barlyǵy 24189 adam syrqattanyp, 19378-i saýyǵyp shyqty.
Koronavırýstan qaıtqandar sany - 364.
Eske sala keteıik, budan buryn BQO-da bir kúnde koronavırýstan 138 adam saýyǵyp shyqqanyn jazǵan bolatynbyz.
