Batys Qazaqstanda ınfektsııa statsıonarynda jatqan syrqattar sany 550-den asty
BQO densaýlyq saqtaý basqarmasy basshysynyń orynbasary Gúlnár Ábdirahmanovanyń aıtýynsha, qazirgi kezde 1323 tósektik 19 aýrýhanada 553 adam emdelýde.
Statsıonarlar 41,7 paıyzǵa tolǵan. Buǵan deıin 1123 tósektik 18 ınfektsııalyq statsıonar bolǵan edi. Kúni búgin oǵan 200 tósektik taǵy bir aýrýhana qosylyp otyr.
Aýrýhanalardyń jansaqtaý bólimshelerindegi tósek sany da 72-den 86-ǵa jetti. Bularda 47 naýqas jatsa, sonyń 76 paıyzy (28) – alpystan asqandar. Sonyń ishinde 18-i júrek-qan tamyrlarý aýrýlary, beseýi qant dıabetine shaldyqqan.
«Jasy alpystan asqan turǵyndardyń sozylmaly dertteri bolǵandyqtan, olardy emdeý qıynǵa túsedi. Sondyqtan egde adamdardyń asa bir qajettilik bolmasa, úılerinen shyqpaýy, kisi kóp jınalatyn jerlerge, qonaqtyqqa barmaýy qajettigin eske salamyz», dedi G.Ábdirahmanova.
Eske sala keteıik, budan buryn Batys Qazaqstanda koronavırýs juqtyrǵandar sany óskenin, 100 myńǵa jýyq adamnyń indetke qarsy egilgenin jazǵan edik.
