Batys Qazaqstanda HQO-lar jumysy jandandy

ORAL. QazAqparat – Batys Qazaqstan oblysynda halyqqa qyzmet kórsetý bólimderiniń jumysy qaıta jandandy, dep habarlaıdy QazAqparat tilshisi.

«Azamattarǵa arnalǵan úkimet» memlekettik korporatsııasy BQO fılıalynyń PR-menedjeri Aqnur Nurǵalıevanyń málim etkenindeı, Oral qalasyndaǵy №1 jáne №2 halyqqa qyzmet kórsetý bólimderii qaıta ashyldy.

Aýdandyq bólimder azamattardy shtattyq rejımde saǵat 09.00-den 18.00-ge deıin qabyldaýda.

Oral qalasyndaǵy mamandandyrylǵan halyqqa qyzmet kórsetý bólimi (avtoHKO) ýaqytsha jumys istemeıdi.

«Budan buryn ınternettiń joqtyǵyna baılanysty halyqqa qyzmet kórsetý bólimderiniń jumysy toqtatylǵan bolatyn», dedi A.Nurǵalıeva.

PR-menedjer 645 memlekettik qyzmetti eGov.kz portaly jáne 120-dan astam memlekettik qyzmet túrin eGov mobile qosymshasy arqyly alýǵa bolatynyn eske saldy.

Eske sala keteıik, budan buryn Batys Qazaqstanda 72 sábıge «Súıinshi» syıqoraby tabys etilgenin jazǵan bolatynbyz.