Batys Qazaqstanda halyq sanaǵy kezinde 1 myńnan astam adam ýaqytsha jumysqa alynbaq

ORAL. QazAqparat – Batys Qazaqstan oblysynda halyq sanaǵyn ótkizý kezinde 1 myńnan astam adamdy ýaqytsha jumysqa alý josparlanýda, dep habarlaıdy QazAqparat tilshisi.

QR Ulttyq statıstıka bıýrosy BQO boıynsha departamentiniń basshysy Boltaı Álimbaevanyń óńirlik kommýnıkatsııalar qyzmeti alańynda ótken brıfıngide málim etkenindeı, olar nusqaýshy-baqylaýshy, ıntervıýlerler retinde jumysqa tartylmaqshy.

Boltaı Májıtqyzynyń sózine qaraǵanda, ýaqytsha jumysqa jasy 18-den asqan, bastamashyl, jaýapty adamdarmen tez til tabysyp, kompıýtermen jumys jasaı alatyn Qazaqstan azamattary alynady. Jumys ótili men kásibı bilimine qatysty talap qoıylmaıdy.

«Qazirgi ýaqytta úsh adamnan turatyn halyq sanaǵyn daıyndyq jáne ótkizý bólimi jasaqtaldy. Olar oblys boıynsha sanaqqa daıyndyq jáne ótkizý boıynsha uıymdastyrý jumystaryn júrgizip, sondaı-aq ýákilderdiń, nusqaýshy-baqylaýshylardyń jáne ıntervıýerlerdiń jumystaryn baqylaıdy. Sonymen qatar árbir aýdanda jáne qalada 7 aıǵa ulttyq sanaqtarǵa daıyndyq jáne ótkizý boıynsha nusqaýshy ( ýákiletti) retinde 42 adam, halyq sanaǵynyń 1 kezeńin ótkizýge 1,5 aıǵa 26 nusqaýshy-baqylaýshy jáne 1 aıǵa 172 ıntervıýer qabyldandy. Sanaq qyzmetkerlerimen aqyly qyzmet kórsetý boıynsha kelisimsharttar jasaldy», dedi B.Álimbaeva.

Eske sala keteıik, budan buryn halyq sanaǵyn júrgizetin qyzmetkerlerge qansha eńbekaqy tólenetini jazylǵan bolatyn.