Batys Qazaqstanda Hadısha Bókeevanyń 100 jyldyǵyna arnalǵan sharalar ótýde
ORAL. QazAqparat - Batys Qazaqstan oblysynda ataqty aktrısa, KSRO jáne Qazaqstannyń halyq ártisi, Memlekettik syılyqtyń ıegeri Hadısha Bókeevanyń 100 jyldyǵyna arnalǵan merekelik sharalar ótýde, dep habarlaıdy «QazAqparat» tilshisi.
Mereıtoılyq sharalar Batys Qazaqstan oblystyq qazaq drama teatrynda «Qaıtkende adam qalady adam bolyp?..» atty teatrlandyrylǵan kórinispen ashyldy. Munda batysqazaqstandyq ártister kezinde Hadısha Bókeevanyń ózi oqyǵan «Qaıtkende adam qalady adam bolyp?..» atty monology arqyly aıtar oılaryn sheber jetkize bildi. Hadısha Bókeevanyń jas, orta jastaǵy jáne kemeline kelgen kezin Áıgerim Saǵadetova, Nurgúl Jubatova, Gúljan Shyntemir beınelep, atalǵan óleńdi kezek-kezek oqyp, kesh mereıin arttyrdy.
Jınalǵan jurtshylyqty óńir basshysynyń atynan oblys ákiminiń orynbasary Marat Toqjanov quttyqtap, Hadısha Bókeevadaı sahna sańlaǵynyń esimi eshqashan umytylmaıtynyn atap ótti.
Osy sharaǵa arnaıy kelgen H.Bókeevanyń shákirtteri, qazaqtyń «Qyz Jibegi men Tólegeni» atanyp ketken Qazaqstannyń halyq ártisi Quman Tastanbekov pen Batys Qazaqstannan túlep ushqan Qazaqstannyń eńbek sińirgen ártisi Merýert Ótekesheva, sondaı-aq Qazaqstan Jazýshylar odaǵynyń múshesi, «Hadısha Bókeeva» atty kitaptyń avtory Sara Latıeva estelikterimen bólisti. Olar Hadısha Bókeevanyń klassıkalyq shyǵarmalar boıynsha qoıylǵan spektaklderde dramalyq, komedııalyq jáne tragedııalyq rólderdi tamasha oınap qana qoımaı, kóptegen talantty shákirtter tárbıeleı bilgendigin jetkizdi.
Kesh barysynda Qazaqstannyń eńbek sińirgen qaıratkeri Qatımolla Berdiǵalıev, Qazaqstannyń eńbek sińirgen ártisi Sáýle Taýdaeva syndy batysqazaqstandyq ánshiler óz ónerlerin kórsetti.
Aıta keteıik, Hadısha Bókeevanyń 100 jyldyǵyna arnalǵan sharalar 18-19 mamyr kúnderi týǵan jeri Qaztalov aýdanynda jalǵasady. Onda ataqty óner sańlaǵynyń músini ashylyp, fotokórmege qosa «Ómirin ónerimen órnektegen» atty teatrlandyrylǵan qoıylym kórermender nazaryna usynylmaq. Sondaı-aq merekelik kontsert qoıylyp, ol at báıgesi, palýandar kúresi syndy dala qyzyqtaryna ulaspaq.
