Batys Qazaqstanda garaj ben avtokólik órtenip ketti
ORAL. QazAqparat – Batys Qazaqstan oblysynda garaj ben avtokólik órtenip ketti, dep habarlaıdy QazAqparat tilshisi.
BQO TJ departamenti azamattyq qorǵaý salasynda apat qaýpin tómendetý jáne baqylaý basqarmasynyń bastyǵy, azamattyq qorǵaý podpolkovnıgi Erlan Tóregeldıevtiń aıtýynsha, oqıǵa 22 jeltoqsan kúni Báıterek aýdany Makarov aýylynda boldy.
Saǵat 05.36-da jeke úıdiń aýlasynda sharýashylyq qurylysy, garaj jáne «VAZ-21074» avtokóliginiń otqa oranǵany jóninde habar túsken.
Aýmaǵy 80 sharshy metrdi qamtyǵan órt 5 adam, 2 tehnıkanyń kúshimen saǵat 08.12-de sóndirildi.
Zardap shekkender joq.
Qazirgi kezde órttiń shyǵý sebebi, kináli adamdar, keltirilgen shyǵyn anyqtalý ústinde.
Bıyl órtengen kólikter sany 104-ke (ótken jyly osy merzimde – 120) jetti.
Sondaı-aq bıyl turǵyn úı sektorynda 380 órt (ótken jyly – 469) tirkeldi.
Eske sala keteıik, budan buryn Batys Qazaqstanda bir kúnde eki avtokólik órtengenin jazǵan bolatynbyz.
