Batys Qazaqstanda erigen qar sýy joldy shaıyp ketti
BQO TJ departamentiniń baspasóz qyzmeti málim etkenindeı, oqıǵa 24 aqpan kúni saǵat 18.30-da Bókeı ordasy aýdany aýmaǵynda boldy.
Jergilikti atqarýshy organdardyń málimetine qaraǵanda, Uıaly aýyly mańynda oblystyq mańyzy bar Chapaev-Jańaqala-Saıqyn jolynyń 157-inshi jáne 227-shaqyrymynda tez erigen qar sýy joldyń ústine shyǵyp ketti (uzyny 4-5 metr, tereńdigi 15-20 sm).
Sonyń saldarynan jol barlyq kólik túrleri úshin jabyldy.
Jergilikti atqarýshy organdar (9 qyzmetker, 2 tehnıka) jáne «Jolaýshy-jol» JShS (20 qyzmetker, 4 tehnıka) kúshimen ınertti materıal salynǵan 40 qap tóselip, táýlik boıy kezekshilik uıymdastyryldy.
Atqarylǵan jumystar nátıjesinde joldyń 157- shaqyrymynda sýdyń joldan asyp túsýi toqtady.
25 aqpan kúni joldy qalpyna keltirý jumystary jalǵasatyn bolady.
Eske sala keteıik, budan buryn Batys Qazaqstanda respýblıkalyq jáne oblystyq joldarda qozǵalysqa shekteý qoıylǵanyn jazǵan bolatynbyz.
