Batys Qazaqstanda er adam sýǵa ketti
ORAL. QazAqparat - Batys Qazaqstan oblysynda er adam sýǵa ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, qalaǵa qarasty Serebrıakov kentindegi Sát kólinen 1961 jylǵy er adamnyń denesi 30 maýsym kúni tańerteń saǵat 9.00-de shyǵaryldy.
Ol sýǵa túsýge jabdyqtalmaǵan jerde shomylyp júrip, 29 maýsym kúni saǵat 9.00-de ketip qalǵan. Marqumnyń denesi bir táýlikten keıin tabyldy. Ony jedel qutqarý jasaǵynyń 4 qyzmetkeri 1 tehnıka jáne bir júzý quralynyń kómegimen shyǵardy.
Aıta keteıik, óńirde kún qatty ysyp tur. Budan buryn aptap ystyqqa baılanysty eskertý jarııalanǵanyn jazǵan bolatynbyz.
Kún ystyq bolǵannan sýǵa túsýshilerdiń kóbeıetini belgili. Biraq saqtyq sharalaryn umytýǵa bolmaıdy.
