Batys Qazaqstanda er adam sýǵa batyp ketti
ORAL. QazAqparat - Batys Qazaqstan oblysynda er adam sýǵa batyp ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa Tasqala aýdany Shejin aýyldyq okrýginde boldy.
2 shilde kúni 2-Shejin aýylynan 50 shaqyrym jerde shamamen saǵat 10.00-de jasy 30-40-tardaǵy azıat pishindes er adam belgisiz jaǵdaıda jasandy sý qoımasyna batyp ketken. Ol kıimsheń kúıinde bolǵan.
Marqum saǵat 17:15-te jedel qutqarý jasaǵynyń kúshimen (4 qutqarýshy, 1 júzý quraly, 1 tehnıka) sýdan shyǵaryldy.
Qazirgi kezde sot-medıtsınalyq saraptama taǵaıyndalyp, tergeý amaldary júrgizilýde.
Qazirgi kezde er adamnyń kim ekendigi anyqtalý ústinde. Sot-medıtsınalyq saraptama taǵaıyndalyp, tergeý amaldary júrgizilýde.
Osymen óńirde jyl basynan beri 12 adam sýǵa ketse, sonyń tórteýi - kámeletke tolmaǵandar.
Eske sala keteıik, budan buryn Oralda Shaǵan ózenine aǵyp bara jatqan jasóspirim qutqarylǵanyn jazǵan bolatynbyz.
