Batys Qazaqstanda er adam myltyq atyp, úsh aýyldasyn jaraqattaǵan
ORAL. QazAqparat – Batys Qazaqstan oblysynda er adam myltyq atyp, úsh aýyldasyn jaraqattaǵan, dep habarlaıdy QazAqparat tilshisi.
Oqıǵa Bókeı ordasy aýdany Han ordasy aýylynda boldy.
Іshimdik iship alǵan 1965 jylǵy turǵyn, sharýa qojalyǵynyńbasshysy sol kúni Han ordasyndaǵy aǵasynyń úıine «KamAZ» kóligimen kelgen. Túsken boıda aýla ishinde qamsyz turǵan adamdardy nysanaǵa alyp, oq jaýdyrǵan. Bes eresek jáne bir kámeletke tolmaǵan jasóspirim kólikterdi qalqan qylyp, jasyrynǵan. Sonyń ózinde úsh adam ish qurylysy men aıaǵynan túrli jaraqat alǵan. Taǵy bir aýyl turǵyny aýyldastaryna oq atqan er adamnyń artynan baıqatpaı
kelip, myltyǵyn tartyp alǵan. Sosyn qarýdyń ishindegi oqtaryn alyp, tasqa soǵyp, myltyqtyń uńǵysyn maıystyryp tastaǵan.
BQO polıtsııa departamentiniń baspasóz qyzmetinen túsken málimetke qaraǵanda, jaraqat alǵandardyń úsheýi de – 1993 jylǵy, 27 jastaǵy aýyl turǵyndary.
Qazirgi kezde kúdikti tergeý ızolıatorynda otyr.
Bókeı ordasy polıtsııa bólimi QR QK 24-baby, 3-bóligi 99-baby 2-bóligi 1-tarmaǵyna (adam óltirýge oqtalý) sáıkes tergeý amaldaryn júrgizýde.
Eske sala keteıik, budan buryn Oralda burynǵy áıeli men qyzyn syrtynan jaýyp, úıdi órtegen turǵyn qamaýǵa alynǵanyn jazǵan bolatynbyz.
