Batys Qazaqstanda er adam aýyldasyn uryp óltirdi
BQO polıtsııa departamentiniń baspasóz qyzmeti málim etkendeı, oqıǵa Oral qalasyna qarasty Serebrıakov kentinde boldy.
A. esimdi 54 jastaǵy er adam óziniń úıinde 1978 jylǵy T. degen aýyldasymen birge araq ishken.
Sonyń barysynda ózara kelispeýshilik saldarynan T. úı ıesine dene jaraqattaryn salyp, ketip qalǵan
«Kelesi kúni T. qaıta kelgende, A-nyń es-tússiz jatqanyn kórip, jedel járdem shaqyrǵan. Áıtse de 54 jastaǵy er adam aýrýhanaǵa bara jatqan jolda qaıtys boldy. Kúdikti sol kúni qolǵa túsip, ýaqytsha ustaý ızolıatoryna qamaldy. Onyń budan buryn da qylmystyq jaýapkershilikke tartylǵany anyqtaldy. Qazirgi kezde QR QK 106-baby 3-bóligine (kisi ólimine soqtyrǵan dene jaraqatyn salý) sáıkes sotqa deıingi tergeý amaldary júrgizilýde», dep habarlady vedomstvodan.
Eske sala keteıik, budan buryn Oralda túıreýish jutyp qoıǵan alty aılyq sábıdiń kóz jumǵanyn jazǵan bolatynbyz.
