Batys Qazaqstanda elektr qýatynyń baǵasy ózgergenimen, turǵyndar úshin turaqty bolyp otyr
ORAL. 5 qańtar. QazAqparat /Eljan Eraly/ - 5 qańtarda QR Tabıǵı monopolııalardy retteý agenttiginiń BQO boıynsha departamenti men «Aqjaıyqenergosaýda» JShS elektr qýaty baǵasynyń kóterilýine qatysty brıfıng ótkizdi.
Departament dırektory Qýanysh Kenjeǵalıevtiń aıtýynsha, oblys elektr qýaty jóninen kórshiles elge táýeldi. Jalpy, satyp alynatyn qýattyń 40 paıyzy Reseıden, 4,7 paıyzy ózimizdiń qýat kózderinen, 55,3 paıyzy «QPO b. v.» kompanııasynan alynady. 2009 jyldyń qorytyndysy boıynsha oblysty qýatpen jabdyqtaýshy «Aqjaıyqenergosaýda» JShS 232,1 mln. teńge shyǵynǵa ushyrady. Ótken jyly Reseıden satyp alynatyn elektr qýatynyń baǵasy birshama qymbattap, 1 kvt. saǵatqa 1,74 rýbldi qurady, al tarıftik smetadaǵy baǵasy (10,8 paıyzǵa ósken) 1,57 rýbl boldy.
«KEGOK» AQ-nyń qyzmetteri 2008 jylǵy 1 tamyzdan elektr qýatyn berý 20 paıyzǵa, torapqa bosatýdy tehnıkalyq dıspetcherleý 10 paıyzǵa jáne elektr qýatyn paıdalanýdy teńgerimdeý 77 paıyzǵa ósti.
Bıylǵy 1 qańtardan bastap «Batys Qazaqstan elektr jelilerin taratýshy kompanııasy» AQ júıeler boıynsha elektr qýatyn tasymaldaý baǵasy 1 kvt. saǵat úshin 2,82 teńgeden 3,20 teńgege (13,4 paıyzǵa) ósti. 2011-2012 jyldarǵa arnalǵan tarıftiń shekti deńgeıin bekitýge baılanysty tarıf qaıta qaraldy.
«Aqjaıyqenergosaýda» JShS-men, elektr qýatyn jetkizýshiler jáne qyzmet kórsetýshilermen jasalǵan kelisimsharttar negizinde qýatpen jabdyqtaý baǵasynyń ósetini jóninde aqparat taratyldy. Nátıjesinde qýatty ortasha jiberý tarıfi 1 kvt. saǵ. úshin 10,50 teńge bolyp qalyptasty.
Habarlamany qaraý barysynda departament 2010 jylǵy 7 aıdyń kólemin alǵanda «Inter RAO EES» AAQ-nyń, «KEGOK» AQ-nyń, «QazTransGazAımaq» AQ-nyń, «Batys Qazaqstan elektr jelilerin taratýshy kompanııasy» AQ-nyń, «Jaıyqjylýqýat» AQ-nyń tarıfteri ósýi esebinen 1 kvt.saǵ. úshin 8,38 teńge shamasynda ortasha bosatý tarıfin maquldady. Sonyń ishinde basqa da tutynýshylar úshin 1 kvt. saǵat úshin QQS qosqanda 11,20 teńge, al turǵyndar úshin tarıf burynǵy 6,88 teńge deńgeıinde saqtalyp qaldy.
Ózgergen tarıftiń qoldanysqa engizilý merzimi bıylǵy 7 qańtardan bastalady.
