Batys Qazaqstanda elektr energııasynyń apattyq ajyraýy jıileýi múmkin

NUR-SULTAN. QazAqparat – Batys Qazaqstanda elektr energııasynyń apattyq ajyraýy jıileýi múmkin. Bul týraly Úkimet otyrysynda QR Energetıka mınıstri Maǵzum Myrzaǵalıev aıtty, dep habarlaıdy QazAqparat tilshisi.

«Jylytý maýsymyna daıyndyq boıynsha júrgizilgen taldaýǵa sáıkes erekshe nazar aýdarýdy talap etetin birqatar óńir anyqtaldy. Batys Qazaqstan oblysynda naryq sýbektileri arasynda tólemaqy júrgizbeı, bereshek jınaqtaý problemasy bar. Bul energııa óndirýshi uıymdar tarapynan tutynylǵan gaz úshin tólemge de áser etedi. Sonymen qatar óńirdegi 83 elektr jelisiniń eskirip tozýyna baılanysty apattyq ajyraýdyń ósý qaýpi baıqalady. Batys Qazaqstan Óńirlik elektr jelilik kompanııasynyń menshik ıesi – Batys Qazaqstan oblysynyń ákimdigine shuǵyl is-sharalar qabyldaý usynylady», - dedi Maǵzum Myrzaǵalıev.