Batys Qazaqstanda EQYU-ǵa múshe memleketter Sammıti men qysqy Azııa oıyndarynyń mańyzy keńinen nasıhattalmaq
ORAL. 1 qarasha. QazAqparat /Eljan Eraly/ - BQO ákimdiginde 1 qarashada Elbasy Joldaýyn túsindirý jáne Astanada ótetin EQYU-ǵa múshe memleketter Sammıtiniń mańyzyn keńinen nasıhattaý maqsatynda qurylǵan aqparattyq-nasıhattyq toptar músheleri qatysqan jıyn boldy.
Onda oblystyq ishki saıasat basqarmasynyń bastyǵy Tilekqabyl Imashev Elbasy Joldaýymen birge atalmysh Sammıt jyldyń eń basty oqıǵalarynyń biri ekendigin, bul elimiz bedeli óskendiginiń naqty aıǵaǵy bolyp otyrǵanyn aıtyp, muny aýyl-aımaq turǵyndaryna jetkizý qajettigin atap ótti. 1-5 qarasha aralyǵynda aýdandardy aralaıtyn on eki top sondaı-aq Almaty men Astanada aldaǵy jyly ótetin qysqy Azııa oıyndarynyń mán-mańyzyn da turǵyndarǵa barynsha túsindirip kelmek.
