Batys Qazaqstanda ekpe alǵandar sany 97 myńǵa jýyqtady
ORAL. QazAqparat – Batys Qazaqstan oblysynda 96961 adam koronavırýsqa qarsy vaktsınanyń birinshi komponentimen egildi, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, 63965-i ekinshi komponentin aldy.
Qazirgi kezde óńirde kásiporyndar men mekeme-uıymdar qyzmetkerlerin, turǵyndardy vaktsınatsııalaý jalǵasýda.
Basqarmadan túsken málimetke qaraǵanda, kúni búgin oblysta 1123 tósektik 18 ınfektsııalyq statsıonarda 523 naýqas emdelýde. Sonyń ishinde Oral qalasynda 600 tósektik 5 aýrýhana 73 paıyzǵa tolyp, onda jatqandar sany 438-ge jetti. 72 tósektik jansaqtaý bólimshesinde 36 adam em qabyldaýda.
Sońǵy aptada aldyńǵymen salystyrǵanda, aýrý juqtyrý kórsetkishi 31,7 paıyzǵa (223 naýqasqa) kóbeıdi.
Jyl basynan beri 15762 adam koronavırýs juqtyrsa, sonyń 55 paıyzy (9642) Oral qalasynda, 14 paıyzy (2273) Báıterek, 11 paıyzy (1798) Bórli aýdanynda tirkelgen.
Eske sala keteıik, budan buryn BQO-da koronavırýstan kóz jumǵandardyń 70 paıyzy egde adamdar ekenin, sońǵy tórt kúnde 400-den astam adamnyń indet juqtyrǵanyn jazǵan edik.
