Batys Qazaqstanda eki júrgizýshi mas kúıinde jol apatyna ushyrady
BQO polıtsııa departamentiniń baspasóz qyzmeti málim etkendeı, eki oqıǵa da 19 qarasha kúni Bókeı ordasy aýdanynda boldy.
Saǵat 17.20-da 35 jastaǵy júrgizýshi «Lada Largýs» avtokóligimen Saıqyn-Bısen jolynda Saıqyn aýylynan 10 shaqyrym qashyqtyqta rýlge ıe bola almaı, beton qorshaýǵa soqtyqqan.
Sonyń saldarynan avtokólikte otyrǵan jolaýshy túrli jaraqatpen aýrýhanaǵa jetkizildi.
Medıtsınalyq kýálandyrý júrgizýshiniń jeńil dárejede mas kúıinde bolǵandyǵyn kórsetti.
Sol kúni shamamen saǵat 10.00-de 24 jastaǵy júrgizýshi Saıqyn aýylynda «VAZ-2107» avtokóligin jeńil dárejede mas kúıinde aıdap, belgilenbegen jerden ótip bara jatqan keıýanany qaǵyp ketken.
Túrli jaraqat alǵan ol da aýrýhanaǵa jetkizildi.
Qazirgi kezde osy eki oqıǵa boıynsha QR QK 345-babyna sáıkes sotqa deıingi tergeý amaldary júrgizilýde.
Eske sala keteıik, budan buryn Oralda avtokólikten túk qalmaı órtenip ketkenin , Batys Qazaqstanda qolaısyz aýa raıyna baılanysty jol jabylǵanyn jazǵan bolatynbyz.
