Batys Qazaqstanda eki kúnde 50 tonnaǵa jýyq pishen órtenip ketti
ORAL. QazAqparat – Batys Qazaqstan oblysynda eki kúnde 50 tonnaǵa jýyq pishen órtenip ketti, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, 23 tamyz kúni saǵat 16.29-da Syrym aýdany Qońyr aýylynda A.Qunanbaev kóshesi 4-mekenjaıynda 120 sharshy metr qora-qopsy otqa orandy.
Oǵan qosa 10 tonna pishen janyp ketti. «Tilsiz jaý» saǵat 22.00-de aýyzdyqtaldy.
Sondaı-aq keshe saǵat 17.58-de Báıterek aýdany Peremetnyı aýylynda Prırechnaıa kóshesi 47-mekenjaıynda 7 tonna pishen jandy. Órt 22.01-de sóndirildi.
Búgin saǵat 05.17-de Terekti aýdany Fedorov aýyly ıÝbıleınaıa kóshesi 8-mekenjaıynda qora-qopsy órtenip, úıýli turǵan 30 tonna shóp kúlge aınaldy. Órt 07.05-te joıyldy.
Qazirgi kezde órttiń shyǵý sebebi, keltirilgen shyǵyn, kináli adamdar anyqtalý ústinde.
Eske sala keteıik, budan buryn BQO-da salynyp jatqan eki qabatty úı órtenip ketkenin jazǵan bolatynbyz.
