Batys Qazaqstanda eki qabatty turǵyn úı aýlasymen qosa órtenip ketti
BQO TJ departamentiniń baspasóz qyzmetinen túsken málimetke qaraǵanda, oqıǵa 13 jeltoqsan kúni Báıterek aýdanynda Oral qalasyna irgeles ornalasqan Mıchýrın aýylynda bolǵan.
«Saǵat 11.43-te Shkolnaıa kóshesi 11-mekenjaıdaǵy úıdiń janyp jatqany jóninde habar túsken. Órt sóndirýshiler kelgen kezde jalpy aýdany 260 sharshy metr eki qabatty úıdiń mansardasy otqa oranǵany anyqtaldy. Sondaı-aq aýladaǵy bólek turǵan 150 sharshy metr qora-qopsy men 4 rýlon shóp órtengen. Saǵat 15.03-te aýyzdyqtalǵan órtti sóndirýge jeke quramnan 22 adam men 7 tehnıka jumyldyryldy. Oqıǵa ornynda mamandar jumys jasady. Zardap shekkender joq. Qazirgi kezde órttiń shyǵý sebebi, keltirilgen shyǵyn, kináli adamdar anyqtalý ústinde», dep habarlady vedomstvodan.
Aıta keteıik, jyl basynan beri óńirde barlyǵy 518 órt tirkelse, sonyń 320-sy turǵyn úı sektorynda boldy.
Órtten kelgen shyǵyn 213 mln 138,7 myń teńgeni qurady.
