Batys Qazaqstanda eki avtokólik soǵysyp, 5 adam zardap shekti

ORAL. QazAqparat – Batys Qazaqstan oblysynda eki avtokólik soǵysyp, 5 adam zardap shekti, dep habarlaıdy QazAqparat tilshisi.
None

BQO polıtsııa departamentiniń baspasóz qyzmetinen málim etkenindeı, oqıǵa 1 qarasha kúni saǵat 11.00-de Terekti aýdany Tóńkeris aýyly tusynda boldy.

«Nıva» jáne «Lada Largýs» avtokólikteri soqtyǵysty. Sonyń saldarynan «Lada Largýs» avtokóliginiń júrgizýshisi men jolaýshylary jaraqat aldy. Bes adamnyń ekeýi – balalar. Qazirgi kezde QR QK 345-babyna sáıkes sotqa deıingi tergeý amaldary júrgizilýde», dep habarlady vedomstvodan.

BQO densaýlyq saqtaý basqarmasy baspasóz qyzmetiniń naqtylaýynsha, jedel járdem saǵat 11.25-te shaqyrtyldy.

Aldyn ala málimet boıynsha 42 jastaǵy áıel men 12 jasar ul bala jabyq bas-mı jaraqatyn alyp, mıy shaıqalǵan, mańdaı tusy kógergen. 10 jasar qyz tize tusynan jaraqat alǵan. 69 jastaǵy er adamnyń beti kógergen. 36 jastaǵy er adamnyń tize súıegi synǵan.

Barlyǵy Terekti aýdandyq aýrýhanasyna jetkizildi.

Oqıǵanyń sebep-saldary anyqtalý ústinde.

Eske sala keteıik, budan buryn Oral qalasynda alǵashqy qar jaýǵanyn, 6 myńnan astam abonenttiń elektr jaryǵynsyz qalǵanyn jazǵan bolatynbyz.

Sondaı-aq Batys Qazaqstanda eki aılyq sábı aýrýhanada kóz jumdy.


Сейчас читают