Batys Qazaqstanda eki avtokólik muzdyń astyna túsip ketti
ORAL. QazAqparat – Batys Qazaqstan oblysynda eki avtokólik muzdyń astyna túsip ketti, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkendeı, oqıǵa Aqjaıyq aýdany Qabyrshaqty aýyly mańynda bolǵan.
Búgin saǵat 11.06-da Kóshim kanalyna Mitsubishi Pajero avtokóliginiń muzdyń astyna túsip ketkeni jóninde habar jetken.
Negizi avtokólik túnde batqan, abyroı bolǵanda, balyqshylar shyǵyp úlgergen.
Oqıǵa ornynda qutqarýshylar jumys jasap jatqan kezde saǵat 13.48-de ÝAZ Patrıot avtokóliginiń muz astyna túsip ketkeni jóninde habar kelgen.
Qutqarýshylar avtokólikten eki adamdy alyp shyqty. Bular da balyqshylar bolyp shyqty.
Eki oqıǵadan da zardap shekkender joq.
BQO TJ departamenti turǵyndarǵa muz ústine shyqqan kezde, ásirese, qazirgideı kóktemgi ýaqytta asa saq bolyp, qaýipsizdik sharalaryn buljytpaı saqtaý kerektigin eske salady.
Eske sala keteıik, budan buryn BQO-da erigen qar sýy joldy basyp qalǵanyn jazǵan bolatynbyz.
