Batys Qazaqstanda egilýge tıisti turǵyndardyń 70 paıyzǵa jýyǵy vaktsına saldyrdy

ORAL. QazAqparat – Batys Qazaqstan oblysynda 252 310 adam vaktsınanyń birinshi komponentimen egildi, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, bul – egilýge tıisti turǵyndardyń (414 389) 60,9 paıyzy.

Sonyń 180 245-i «Spýtnık V», 18 541-i «QazVac», 24 993-i «Hayat-Vax», 7 720-sy «Corona-Vac», 20 811-i «Vero Cell» vaktsınasyn tańdady.

Sondaı-aq 237 275 adam (57,3 paıyzy) ekinshi komponentpen egilip úlgerdi.

Kúni búgin oblysta 82 838 doza І, 102 465 doza ІІ komponent bar.

Sonymen qatar 4635 adam revaktsınatsııadan ótti. 3740 adam Pfizer kompanııasynyń ekpesin saldyrsa, sonyń 2208-i –jasóspirimder, 102-si – júkti, 1430-y – bala emizetin áıelder.

Basqarma málimeti boıynsha pandemııa bastalǵannan beri 39 931, bıyl 30 710 adamnan koronavırýs tabyldy.

Sońǵy aptada aldyńǵymen salystyrǵanda, indet juqtyrý kórsetkishi 12,1 paıyzǵa (13 naýqasqa) kemidi.

Jyl basynan beri aýyrǵan 3025 balanyń 3008-i jazylyp shyqty. 17-si saýyǵý ústinde.

Bıylǵy oqý jyly bastalǵannan beri 902 oqýshydan koronavırýs anyqtaldy.

Kúni búgin ambýlatorlyq em alyp jatqan 286 naýqas bolsa, sonyń 76 paıyzynda aýrý jeńil ótýde. 4 paıyzynyń jaǵdaıy ortasha, 20 paıyzy – sımptomy joqtar.

Oblysta 610 tósektik 11 ınfektsııalyq statsıonar jumys isteýde. Aýrýhanalarda jatqan 99 naýqastyń 12-si jansaqtaý bólimshelerinde. Sonyń ishinde ekeýi ınvazıvti jasandy tynys alý apparatyna, beseýi ınvazıvti emes osyndaı qurylǵyǵa, taǵy beseýi ottegi kontsentratoryna qosylǵan.

Jyl basynan 675, jeltoqsan aıynda 6 adam koronavırýstan kóz jumdy.

Eske sala keteıik, budan buryn Batys Qazaqstanda 3800-den astam adamnyń revaktsınatsııadan ótkenin jazǵan bolatynbyz.

Sondaı-aq BQO-da táýelsizdik jyldary densaýlyq saqtaý bıýdjeti 12,5 ese ósti.