Batys Qazaqstanda dızeldi otyn tapshylyǵyna túsinik berildi
«Búrkit» janar-jaǵar maı stansasynyń quryltaıshysy Nıkolaı Frolovtyń aıtýynsha, qazirgi kezde dızeldi otyn tek mindettemeler boıynsha qala kásiporyndaryna tek talon arqyly ǵana bosatylýda.
Stansada nebári 300 tonnadaı dızeldi otyn qaldy.
Tolyq qýatynda jumys jasap turǵan kezde táýligine 12-14 tonna dızeldi otyn bosatylady.
Kúni búgin barlyq janar-jaǵar maı stansalarynda bólshek saýdada bir aıdaı ýaqyttan beri dızeldi otyn joq.
Onyń sózine qaraǵanda, munyń sebebi Atyraý munaı óńdeý zaýytynan tórt aı boıy dızeldi otyn túsken joq.
«Degenmen bul máseleni sheshý maqsatynda qadamdar jasalýda. Taıaý ýaqytta Reseıden dızeldi otyn keledi dep kútip otyrmyz», dedi N.Frolov.
Onyń pikirinshe, dızeldi otyn tapshylyǵyn boldyrmaý úshin bizdiń jer qoınaýyn paıdalanýshylarǵa respýblıka qajettiligi úshin bosatý kólemin 10 paıyzdan 20-ǵa kóterý kerek. Áýeli óz qajettiligimizdi ótep bolǵannan keıin ózge elderge jiberse, jaqsy bolar edi.
Sondaı-aq Energetıka mınıstrligi tarapynan dızeldi otynǵa baılanysty qalyptasqan jaǵdaıdy retteý úshin Shymkent jáne Pavlodar munaı óńdeý zaýyttarynyń jumysyna monıtorıng jasalyp otyrsa, durys bolar edi.
BQO energetıka jáne turǵyn úı-kommýnaldyq sharýashylyq basqarmasy dızeldi otyn jetkizýmen oblysta 7 kompanııanyń aınalysatynyn jetkizdi. Olardyń birqatary reseılik munaı óńdeý zaýyttarymen dızeldi otyn jetkizýge kelisim jasasty. Jýyrda ónim kele bastamaq.