Batys Qazaqstanda daýyl turyp, jel kúsheımek
ORAL. QazAqparat - «Qazgıdromet» RMK BQO fılıalynyń málimetine qaraǵanda, óńirdiń keı jerlerinde 5 mamyr kúni soltústikten soǵatyn jeldiń jyldamdyǵy sekýndyna 17-22 metrge deıin jetýi yqtımal, dep habarlaıdy «QazAqparat» tilshisi.
BQO TJ departamentiniń jedel kezekshisi, azamattyq qorǵaý aǵa leıtenanty Rollan Nurjanovtyń aıtýynsha, Oral qalasynda jeldiń ekpini 18 metrge deıin jetpek. Osyǵan baılanysty oblysta eskertý jarııalanyp, turǵyndar arasynda tótenshe jaǵdaılardy boldyrmaý, ómirlik mańyzy zor nysandardyń, elektr jáne baılanys jelileriniń úzdiksiz qyzmetin qamtamasyz etý baǵytynda tıisti sharalar alynýda.
Aıta keteıik, kúnniń ysýyna baılanysty óńirde órt qaýpi de kúsheıip tur.
