Batys Qazaqstanda daýyl turyp, burshaq jaýýy yqtımal
ORAL. QazAqparat - «Qazgıdromet» RMK Batys Qazaqstan oblysy fılıalynyń málimetine qaraǵanda, 10-11 mamyr kúnderi óńirdiń keı jerlerinde soltústik-shyǵystan soǵatyn jeldiń jyldamdyǵy sekýndyna 15-20 metrge deıin jetedi, dep habarlaıdy QazAqparat tilshisi.
Keı jerlerde naızaǵaı oınap, daýyl turyp, burshaq jaýýy yqtımal.
Oral qalasynda da jeldiń ekpini sekýndyna 15-20 metrge deıin kúsheıip, naızaǵaı oınaýy múmkin.
Osyǵan baılanysty BQO TJ departamenti eskertý jarııalady.
Qazirgi kezde turǵyndar arasynda tótenshe jaǵdaılardy boldyrmaý maqsatynda tıisti sharalar qolǵa alynýda.
Eske sala keteıik, budan buryn 28 sáýir kúni Batys Qazaqstanda kúshti jel 14 ǵımarattyń shatyryn julyp áketkenin jáne eki adamnyń jaraqat alǵanyn jazǵan bolatynbyz.
