Batys Qazaqstanda dári-dármek tıelgen «GAZel» avtokóligi janyp ketti

ORAL. QazAqparat – Batys Qazaqstan oblysynda trassada dári-dármek tıelgen «GAZel» avtokóligi janyp ketti, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, oqıǵa 16 qarasha kúni saǵat 23.49-da Oral-Atyraý joly boıynda, Aqjaıyq aýdany Samal eldi mekeni tusynda boldy.

«Mýratova» jeke kásipkerligine tıesili, 21 jasar júrgizýshi aıdap kele jatqan «GAZel» avtokóligi otqa orandy.

Órt saǵat 00.45-te oqshaýlanyp, 01.15-te sóndirildi. Zardap shekkender joq.

BQO polıtsııa departamentiniń baspasóz qyzmeti oqıǵanyń Oral-Atyraý jolynyń 105- shaqyrymynda bolǵanyn jetkizdi.

Oqıǵa ornynda polıtsııa qyzmetkerleri de jumys istedi.

Eske sala keteıik, budan buryn Oralda jol apatynan bes adamnyń zardap shekkenin jazǵan bolatynbyz.