Batys Qazaqstanda burqasynǵa baılanysty eskertý jarııalandy
ORAL. QazAqparat - Batys Qazaqstan oblysynda aýa raıynyń buzylýyna baılanysty eskertý jarııalandy, dep habarlaıdy «QazAqparat» tilshisi.
BQO Tótenshe jaǵdaılar departamentinen túsken málimetke qaraǵanda, 13 jeltoqsan kúni óńirdiń keı jerlerinde qar jaýyp, burqasyn kóteriledi. Ońtústikten, ońtústik-shyǵystan soqqan jeldiń jyldamdyǵy sekýndyna 15-20 metrge deıin jetýi yqtımal. Oralda da osyndaı aýa raıy oryn alyp, jeldiń jyldamdyǵy sekýndyna 18 metrge deıin kúsheıedi.
Osyǵan oraı TJ departamenti eskertý jarııalady. Turǵyndar arasynda tótenshe jaǵdaılardy boldyrmaý, ómirlik mańyzy zor nysandardyń, elektr jáne baılanys júıeleriniń úzdiksiz jumysyn qamtamasyz etý baǵytynda tıisti sharalar qolǵa alynýda. Kúsh-quraldar daıyndyq kúıine keltirilip, táýliktik kezekshilik uıymdastyryldy.
