Batys Qazaqstanda burqasyn kóterilip, kóktaıǵaq bolady
ORAL. QazAqparat - «Qazgıdromet» RMK BQO fılıalynyń málimeti boıynsha 1 naýryz kúni óńirdiń keı jerlerinde burqasyn kóterilip, kóktaıǵaq bolady, dep habarlaıdy QazAqparat tilshisi.
Sondaı-aq tuman túsip, ońtústik-batystan soǵatyn jeldiń jyldamdyǵy sekýndyna 15-20 metrge deıin kúsheıýi yqtımal. Oblys ortalyǵy Oral qalasynda da osyndaı aýa raıy oryn alyp, jeldiń ekpini sekýndyna 17 metrge deıin jetedi. Osyǵan baılanysty BQO TJ departamenti eskertý jarııalady.
«Qazirgi kezde turǵyndar arasynda tótenshe jaǵdaılardy boldyrmaý maqsatynda tıisti sharalar qolǵa alynýda», dep habarlady departamentten.
Eske sala keteıik, óńirde boranǵa baılanysty bes baǵyttaǵy joldar jabyldy. Sondaı-aq, eki júkti áıel mingen kólik qar qursaýynan qutqaryldy.
