Batys Qazaqstanda boranǵa baılanysty joldar jabyldy

ORAL. QazAqparat – Batys Qazaqstan oblysynda aýa raıynyń qolaısyzdyǵyna baılanysty joldar jabyldy, dep habarlaıdy QazAqparat tilshisi.

BQO jolaýshylar kóligi jáne avtomobıl joldary basqarmasynyń málimeti boıynsha 30 qańtar kúni jergilikti saǵat 20.30-dan bastap oblystyq mańyzy bar Bórli-Aqsaı- Jympıty jolynda (38-159 km, Aqsaı qalasynan Jympıty aýylyna deıin) barlyq kólik túrleri úshin qozǵalysqa shekteý qoıyldy.

Boran soǵyp turǵandyqtan, joldyń kórinýi nasharlaǵan.

Osyǵan baılanysty BQO TJ departamenti eskertý jarııalap, atalmysh jol baǵytynda turǵyndarǵa jolǵa shyqpaý kerektigin jetkizdi.

Sondaı-aq kúshti jel men boranǵa baılanysty respýblıkalyq mańyzy bar Atyraý-Oral (492-189 km, Oraldan Atyraý oblysynyń shekarasyna deıin), Oral-Tasqala-RF shekarasy (4-104 km, Oraldan Reseı shekarasyna deıin), Chapaev-Jalpaqtal-Kaztalov (0-213 km, Chapaevtan Kaztalovqa deıin) jáne Samara-Shymkent (195-251, 266-526 km, Reseı shekarasynan Aqtóbe oblysyna deıin) joldary jabyldy.

«Qazgıdromet» RMK málimetine qaraǵanda, oblystyń ońtústiginde 31 qańtar kúni tuman túsip, al soltústigi men soltústik-shyǵysynda jeldiń ekpini sekýndyna 15-20 metrge jetýi yqtımal.

Eske sala keteıik, budan buryn Batys Qazaqstanda respýblıkalyq jolda qozǵalysqa shekteý qoıylǵanyn jazǵan bolatynbyz.