Batys Qazaqstanda boranǵa baılanysty taǵy da joldar jabyldy
ORAL. QazAqparat - Batys Qazaqstan oblysynda boranǵa baılanysty taǵy da joldar jabyldy, dep habarlaıdy QazAqparat tilshisi.
Oblystyq Jolaýshylar kóligi jáne avtomobıl joldary basqarmasynyń málimeti boıynsha oblystyq mańyzy bar Aqsaı-Fedorov jáne Aqsaı-Jympıty joldarynda qatty burqasyn soǵyp, jeldiń jyldamdyǵy sekýndyna 14 metrge deıin jetken.
«Sondyqtan búgin túnde saǵat 00.30-dan bastap osy joldarda barlyq kólik túrleri úshin qozǵalysqa shekteý qoıyldy. Turǵyndarǵa habarlamalar jiberilip, eskertilýde. Qazirgi kezde óńirde úsh jol jabyq. Keshe Shyńǵyrlaý-Lýben-Segizsaı joly jabylǵan bolatyn», dep habarlady QazAqparat tilshisine BQO TJ departamentinen.
Eske sala keteıik, keshe Batys Qazaqstan oblysynda boranǵa baılanysty joldyń jabylǵanyn jazǵan bolatynbyz.
