Batys Qazaqstanda boranǵa baılanysty respýblıkalyq joldar jabyldy
ORAL. QazAqparat – Batys Qazaqstan oblysynda boranǵa baılanysty respýblıkalyq joldar jabyldy, dep habarlaıdy QazAqparat tilshisi.
«QazAvtoJol» AQ BQO fılıalynyń málimeti boıynsha 27 jeltoqsan kúni jergilikti saǵat 18.00-den bastap respýblıkalyq mańyzy bar Samara-Shymkent (Terekti aýdany Podstepnyı aýyly – Aqtóbe oblysy shekarasy) jáne Oral-Atyraý (Oral qalasy – Atyraý oblysy shekarasy) jolynda barlyq kólik túrleriniń qozǵalysyna shekteý qoıyldy.
Jabylý sebebi – boran, jabysqaq qar, kóktaıǵaq.
Eske sala keteıik, budan buryn Batys Qazaqstanda aýa raıynyń nasharlaýyna baılanysty jol jabylǵanyn, taǵy bir jolda kólik qozǵalysy shektelgenin jazǵan bolatynbyz.
