Batys Qazaqstanda boranǵa baılanysty barlyq joldar jabyldy
ORAL. QazAqparat - Batys Qazaqstan oblysynda boranǵa baılanysty barlyq baǵyttaǵy joldar jabyldy, dep habarlaıdy QazAqparat tilshisi.
BQO TJ departamentinen túsken málimetke qaraǵanda, jergilikti saǵat 19.00-den bastap osyndaı sheshim qabyldandy.
Aldymen búgin respýblıkalyq mańyzy bar Oral-Tasqala-RF shekarasy baǵytynda qozǵalysqa shekteý qoıylsa, sodan keıin Tasqala-Aqqýraı-Bolashaq, Oral-Kırsanov, Chapaev-Jalpaqtal-Qaztalov-Jánibek-RF shekarasy, Ónege-Bısen-Saıqyn jáne basqa joldar túgel jabyldy.
Óńirde qatty boranǵa qosa joldarda kóktaıǵaq oryn alyp otyr.
Eske sala keteıik, budan buryn BQO-da aýa raıyna baılanysty eskertý jarııalanǵanyn jazǵan bolatynbyz.
