Batys Qazaqstanda blokpostar alynǵanmen, shekteý sharalary saqtalady

ORAL. QazAqparat – BQO bas memlekettik sanıtar dárigeriniń 12 mamyrdaǵy jańa qaýlysy shyqty, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamenti málim etkenindeı, qaýly 15 mamyrdan bastap kúshine enedi.

Qaýlyǵa sáıkes óńirde blokpostar alynady. Sondaı-aq turǵyndar men kólikterge túngi saǵat 00.00-den keıin júrip-turýǵa shekteý qoıylmaıdy.

Sonymen qatar basqa karantındik shekteý sharalary saqtalady.

Mysaly, memlekettik organdar men kvazımemlekettik sektor uıymdary qyzmetkerleriniń keminde 80, jeke kásipkerliktegilerdiń keminde 50 paıyzy qashyqtan jumys jasaıdy.

Memlekettik organdar, uıymdar, ofıster qyzmetkerlerge koronavırýsqa qarsy vaktsınatsııalaý júrgizilgen jaǵdaıda atalǵan talapqa ózgeris engize alady. Bul rette ekpeniń tolyq kýrsynan ótken jáne sońǵy jarty jylda koronavırýspen aýyryp jazylǵan barlyq qyzmetkerlerdiń shtattyq rejımde jumys isteýine bolady.

Turǵyndar ashyq aýadaǵy qoǵamdyq oryndarda, úı-jaılarda jáne avtobýstarda maska kııýge mindetti.

Óńirde ózge de sanıtarlyq talaptar qatań saqtalýy tıis.

Shekteý sharalarynyń rejımi men ýaqyty oblys aýmaǵynda COVID-19 koronavırýs ınfektsııasynyń taralýy boıynsha jaǵdaıdyń ózgerýine sáıkes qaıta qaralýy múmkin.

Eske sala keteıik, budan buryn Batys Qazaqstanda 58 myńnan astam adamnyń koronavırýsqa qarsy ekpe saldyrǵanyn jazǵan bolatynbyz.

Sondaı-aq, vaktsınadan polıtseı qaıtys boldy degen jalǵan aýdıojazba avtory ustaldy.