Batys Qazaqstanda bıyl 5 myńnan astam túlek mektep bitirmek
ORAL. QazAqparat – Batys Qazaqstan oblysynda bıyl 5142 túlek mektep bitirmek, dep habarlaıdy QazAqparat tilshisi.
BQO bilim basqarmasynyń baspasóz qyzmeti málim etkenindeı, sonyń 4366-sy UBT-ǵa qatysýǵa ótinish bildirdi.
Túlekter maýsym aıynda memlekettik bilim berý granttaryn taǵaıyndaý konkýrsyna qatysý úshin UBT tapsyrady. Oǵan ótinishter 15 sáýirden bastap mamyrdyń 10-yna deıin onlaın túrde qabyldandy.
UBT oblys boıynsha Aqjaıyq, Bórli, Jańaqala, Jánibek, Qaztalov, Qaratóbe, Syrym aýdandary ortalyqtarynda jáne Oral qalasyndaǵy M.Ótemisov atyndaǵy Batys Qazaqstan memlekettik ýnıversıteti men Jáńgir han atyndaǵy Batys Qazaqstan agrarlyq-tehnıkalyq ýnıversıtetinde ornalasqan 9 testileý pýnktinde ótedi.
Sharany aıqyn ári ádil ótkizý úshin barlyq jerde metall izdegishter, uıaly telefondardyń sıgnaldaryn tunshyqtyrý jáne beınebaqylaý qondyrǵylary qoldanylady.
Bıyl oblysta 371 túlek «Altyn belgiden», 589 jas úzdik attestattan úmitker.
«Mektep bitirýshiler bıyl karantındik shekteý sharalaryna baılanysty memlekettik qorytyndy attestattaý emtıhandaryn tapsyrmaıdy. Sol sebepti attestatqa jyldyq qorytyndy baǵa túspek. «Altyn belgi» ıegerleri de jyldyq qorytyndy baǵa negizinde naqtylanady», dep habarlady oblystyq basqarmanyń baspasóz qyzmeti.
Sonymen, bıyl 5142 túlekke attestat tabys etilse, 9-synypty 8516 shákirt bitiredi.
Eske sala keteıik, bıyl oblysta jańadan birneshe mektep paıdalanýǵa beriledi.
