Batys Qazaqstanda birneshe respýblıkalyq mańyzy bar jol jabyldy
«QazAvtoJol» UK« AQ BQO fılıalynyń málimetine qaraǵanda, 2 qańtar kúni jergilikti saǵat 08.30-dan bastap respýblıkalyq mańyzy bar Samara-Shymkent (195-240 km, Oral qalasynan RF shekarasyna deıin) jolynda barlyq kólik túrleri úshin qozǵalysqa shekteý qoıyldy.
Osy joldyń Podstepnyı aýylynan Aqtóbe oblysynyń shekarasyna deıingi aralyǵy da (260-526 km) jabyq tur.
Sol sekildi Oral-Tasqala-RF shekarasy (4-104 km, Oraldan RF shekarasyna deıin), Atyraý-Oral (189-482 km, Oraldan Atyraý oblysynyń shekarasyna deıin) joldary jabyq. Sondaı-aq saǵat 08.30-dan bastap respýblıkalyq Podstepnyı-Fedorov-RF shekarasy (3-144 km, Podstepnyıdan RF shekarasyna deıin) jolynda da barlyq kólik túrleri úshin qozǵalysqa shekteý qoıyldy.
Osyǵan baılanysty BQO TJ deparatamenti eskertý jarııalap, habarlamalar jiberip jatyr.
Eske sala keteıik, budan buryn BQO-da qolaısyz aýa raıyna baılanysty respýblıkalyq jol jabylǵanyn jazǵan bolatynbyz.