Batys Qazaqstanda birqatar joldar jabyldy
ORAL. QazAqparat - Batys Qazaqstan oblysynda birneshe jol jabyldy, dep habarlaıdy QazAqparat tilshisi.
«Qazavtojol» JShS BQO fılıalynyń málimeti boıynsha qatty boranǵa baılanysty saǵat 15.00-den bastap respýblıkalyq mańyzy bar Samara - Shymkent jolynda (394-526 km, Jympıty - Aqtóbe oblysy shekarasy aralyǵy) barlyq kólik túrleri úshin qozǵalysqa shekteý qoıyldy.
Esesine aýa raıynyń jaqsarýyna baılanysty Qaztalov - Jánibek - RF shekarasy joly ashyldy. Búgin tańnan bastap burqasyn men jeldiń jyldamdyǵy sekýndyna 20 metrge jetýine baılanysty taǵy bir respýblıkalyq mańyzy bar Oral - Tasqala - RF shekarasy (31-104 km, Peremetnyıdan shekaraǵa deıin) joly jabylǵan edi.
«Joldardyń jabylǵany jóninde turǵyndarǵa SMS habarlar jiberilip jatyr. Al oblystyq joldar kesheden beri ashylǵan joq», dep habarlady QazAqparat tilshisine BQO TJ departamentinen.
Eske sala keteıik, budan buryn óńirde 300-den astam adam qar qursaýynan qutqarylǵan bolatyn. yn jazǵan bolatynbyz. Sonymen qatar, keshe BQO-da joldar jabylyp, aýa raıyna baılanysty taǵy da eskertý jarııalanǵan-dy. Oblysta qazirgi kezde qala men eldimekenderden qar shyǵarý jumystary júrgizilip jatyr.
