Batys Qazaqstanda bir táýlikte 205 adamnan koronavırýs anyqtaldy
ORAL. QazAqparat – Batys Qazaqstan oblysynda sońǵy táýlikte 205 adamnan koronavırýs anyqtaldy, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz qyzmeti málim etkenindeı, sonyń 154-inde, ıaǵnı basym kópshiliginde aýrý belgileri baıqalsa, 51-i – sımptomy joqtar.
Aldyńǵy aptamen salystyrǵanda, koronavırýs juqtyrǵandar sany 8,5 paıyzǵa (76 adamǵa) ósip otyr.
Іndet bastalǵannan beri óńirde syrqattanǵandar sany 17270- ke jetse, sonyń 9633-inde aýrý belgileri bolsa, 7637-si – sımptomy joqtar.
Barlyǵy 13789 adam jazylyp shyqty. 263 adam ómirden ozdy.
Eske sala keteıik, budan buryn BQO-da koronavırýs juqtyrǵan 31 adamnyń jansaqtaý bóliminde jatqanyn jazǵan bolatynbyz.
