Batys Qazaqstanda bir kúnde úsh adam ózenge batyp ketti
ORAL. QazAqparat – Batys Qazaqstan oblysynda bir kúnde úsh adam ózenge batyp ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, qaıǵyly oqıǵanyń ekeýi Báıterek aýdany Mıchýrın aýyldyq okrýginde oryn aldy.
Jeksenbi kúni saǵat 16.45-te Mıchýrın aýyldyq okrýgine qarasty Asan aýylynda Shaǵan ózeninde qutqarýshylarmen (4 adam, 1 júzý quraly, 1 tehnıka) 2002 jylǵy turǵyn izdestirildi. 18 fjastaǵy jigit dostarymen demalǵan, jeke qutqarý quraldary bolmaǵan. Shomylýǵa jabdyqtalmaǵan jerden túsken marqumnyń denesin súńgýirler saǵat 18.10-da alyp shyqty.
Osy kúni Mıchýrın aýylynda saǵat 17.14-te qutqarýshylar (5 adam, 1 júzý quraly, 1 tehnıka) 1980 jylǵy áıeldiń denesin Shaǵannan shyǵardy. Marqum belgisiz jaǵdaıda sýǵa batyp ketken.
Taǵy bir oqıǵa Aqjaıyq aýdany Jańabulaq aýylynda boldy. Qutqarýshylar (4 adam, 1 júzý quraly, 1 tehnıka) saǵat 10.33-te Jaıyq ózeninen 1979 jylǵy er adamnyń denesin shyǵardy. Marqum 26 shilde kúni saǵat 00.30-da belgisiz jaǵdaıda sýǵa batyp ketken. Ol da dostarymen birge demalyp, mas kúıinde bolǵan. Ózenge jeke qutqarý quraldarynsyz barǵan.
Osylaısha óńirde bıyl sýǵa ketkender sany 14-ke jetse, sonyń jeteýi – balalar.
Eske sala keteıik, budan buryn Batys Qazaqstanda bir kúnde eki adamnyń sýǵa ketkenin jazǵan bolatynbyz.
