Batys Qazaqstanda bir kúnde eki turǵyn úı órtendi
ORAL. QazAqparat – Batys Qazaqstan oblysynda bir kúnde eki turǵyn úı órtendi, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵanyń bireýi 10 jeltoqsan kúni Tasqala aýdany Tasqala aýylynda boldy.
Saǵat 22.40-ta Q.Amanjolov kóshesi 11-mekenjaıynda turǵyn úıde órt shyqqany jóninde habar túsken.
Órt saldarynan turǵyn úı kireberisiniń 30 sharshy metr shatyry janyp ketti.
Órt sóndirýshilerdiń utymdy is-qımyly nátıjesinde ottyń kórshiles páterge ulasýyna jol berilgen joq. Oǵan qosa 1 gaz ballony shyǵarylyp, onyń jarylý qaýpi joıyldy.
«Tilsiz jaý» búgin saǵat 01.55-te aýyzdyqtaldy.
Sol sekildi keshe saǵat 23.52-de- Oraldaǵy «Lıýbıtelı prırody» baý-baqsha qaýymdastyǵynyń 30-mekenjaıynda jeke turǵyn úı otqa orandy. Aýmaǵy 90 sharshy metrdi quraǵan órt búgin saǵat 02.00-de tolyqtaı sóndirildi.
TJ departamenti turǵyndarǵa órt qaýipsizdigi erejelerin buljytpaı saqtaý kerektigin eskertedi.
Bıyl jyl basynan beri oblysta 588 órt oqıǵasy tirkelse, sonyń 358-i turǵyn úı sektorynda boldy. Órtten 6 adam qaza taýyp, 8-i túrli jaraqat aldy.
Órtten 605 myń teńge materıaldyq shyǵyn keltirildi.
Eske sala keteıik, budan buryn BQO-da 8 tonna pishen men qora-qopsy órtenip ketkenin jazǵan bolatynbyz.
