Batys Qazaqstanda bir kúnde eki avtokólik órtendi
ORAL. QazAqparat – Batys Qazaqstan oblysynda bir kúnde eki avtokólik órtendi, dep habarlaıdy QazAqparat tilshisi.
BQO TJ departamentinen túsken málimetke qaraǵanda, oqıǵa keshe Bórli aýdany men Oral qalasynda oryn aldy.
Bórli aýylynda saǵat 16.23-te jeke úıdiń aýlasynda 2009 jyly shyǵarylǵan «GAZel» kóligi janǵan.
Sol sekildi Zachagan kentinde Tselınnaıa kóshesi 32-úıdiń aýlasynda saǵat 22.45-te 2014 jyly shyǵarylǵan «ÝAZ Patrıot» avtokóligi órtengen.
Qazirgi kezde órttiń shyǵý sebebi, kináli adamdar, keltirilgen shyǵyn anyqtalýda.
Osymen bıyl oblysta otqa oranǵan avtokólikter sany 100-ge jetti.
Oǵan qosa Báıterek aýdany Darııan aýylynda keshe túngi saǵat 23.08-de Naberejnaıa kóshesi 62-úıdiń aýlasynda ornalasqan monsha órtendi. Onyń aýmaǵy 20 sharshy metrdi qamtydy.
Sonymen qatar ótken táýlikte oblys aýmaǵynda 18 jol-kólik oqıǵasy tirkeldi.
Keshe keshkisin saǵat 19.38-de Samara-Shymkent jolynyń 438-shaqyrymynda DAF júk kóligi men «Lada Kalına» soqtyǵysty. Jol apaty saldarynan túrli jaraqat alǵan áıel adam aýrýhanaǵa jetkizildi.
Eske sala keteıik, budan buryn óńirde qos avtokólik soqtyǵysyp, 9 adamnyń aýrýhanaǵa jetkizilgenin jazǵan bolatynbyz. Buǵan aýa raıynyń qolaısyzdyǵy da sebep bolýda.
