Batys Qazaqstanda bir kúnde 3 myńnan astam adam indetke qarsy egildi
ORAL. QazAqparat – Batys Qazaqstan oblysynda keshe 3025 adam koronavırýsqa qarsy egildi, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, qala emhanalary men jeke klınıkalarda, sondaı-aq aýdandyq aýrýhanalardaǵy egý kabınetteriniń sany 47-ge jetkizildi.
Kúni búginge deıin óńirde vaktsınanyń birinshi komponentimen 17215 adam egilip úlgerse, sonyń 4871-i – medıtsına qyzmetkerleri, 3377-si – pedagogtar, 1487-si – quqyq qorǵaý organdarynyń, 7480-i – basqa sala ókilderi.
Sonymen qatar 4067 adam ekinshi komponentpen egildi.
9 sáýir kúni túsken 14 myń dozadan (І komponent) 7065 adam (50,4 paıyz) ekpe saldyrdy.
Vaktsınatsııa kestege sáıkes odan ári jalǵasýda.
Eske sala keteıik, budan buryn BQO-da 14 myńnan astam adamnyń koronavırýsqa qarsy egilgenin, 560-qa jýyq adamnyń ınfektsııalyq aýrýhanada jatqanyn jazǵan bolatynbyz.
