Batys Qazaqstanda bir kúnde 206 naýqas koronavırýstan jazylyp shyqty
ORAL. QazAqparat - Batys Qazaqstan oblysynda sońǵy táýlikte 206 naýqas jazylyp shyqty, dep habarlaıdy QazAqparat tilshisi.
BQO densaýlyq saqtaý basqarmasynyń málim etkenindeı, sońǵy táýlikte 70 adamnan indet tabylsa, sonyń 53-inde aýrý belgileri bar bolyp shyqty.
Osy aptada aldyńǵymen salystyrǵanda, aýrý juqtyrý kórsetkishi 2,2 paıyzǵa (11-ge) azaıdy.
Basqarma málimetine qaraǵanda, qazirgi kezde 486, sonyń ishinde 404 naýqas Oral qalasyndaǵy ınfektsııalyq statsıonarlarda emdelýde. 38-i jansaqtaý bóliminde.
Bul aýrýhanalarda emdelýshilerdiń kóbeıip otyrǵanyn kórsetedi.
Іndet bastalǵannan beri tirkelgen 24350 naýqastyń 19647-si emdelip shyqty. 367-si kóz jumdy.
Eske sala keteıik, budan buryn BQO-da 480-nen astam adamnyń statsıonarda emdelip jatqanyn, koronavırýsqa qarsy ujym bolyp egilýdiń mańyzy zor ekendigin jazǵan bolatynbyz.
