Batys Qazaqstanda bir aptada 821 adamnan koronavırýs tabyldy
ORAL. QazAqparat – Batys Qazaqstan oblysynda bir aptada 821 adamnan koronavırýs tabyldy, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, sońǵy táýlikte 113 adamnyń indet juqtyrǵany belgili boldy.
Osy kezge deıin óńirde 16498 adam syrqattansa, sonyń 13182-si jazylyp shyqty. 258-i kóz jumdy.
Pnevmonııaǵa shaldyqqan 441 adam statsıonarda, 42-si ambýlatorlyq em alýda.
Invazıvti jasandy tynys alý apparatyna 7, ınvazıvti emes osyndaı qurylǵyǵa 10, ottegi kontsentratoryna 34, ortalyqtandyrylǵan ottegi kózine 123 naýqas qosylǵan.
Qazirgi kezde 730 tósektik 10 ınfektsııalyq statsıonarda 573 adam emdelýde. Aýrýhanalar 71,6 paıyzǵa toldy.
195 tósektik 4 karantındik statsıonarda 26, 67 tósektik jansaqtaý bólimshesinde 32 naýqas emdelýde.
Ótken jyldyń qyrkúıeginen beri syrqattanǵan balalar sany 757-ge jetse, sonyń 552-si bıyl indet juqtyrdy.
«Jaıyqmunaı» JShS-da jyl basynan beri 38, «QPO b.v.» kompanııasynda 79 adamnan koronavırýs tabyldy.
Eske sala keteıik, budan buryn Batys Qazaqstanda bir kúnde 3 myńnan astam adamnyń indetke qarsy egilgenin jazǵan bolatynbyz.
