Batys Qazaqstanda bir aptada 665 adam koronavırýs juqtyrdy
ORAL. QazAqparat – Batys Qazaqstan oblysynda bir aptada 665 adam koronavırýs juqtyrdy, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, sońǵy táýlikte 87 adamnyń aýyrǵany tirkeldi.
Іndet bastalǵannan beri 11058 adam syrqattansa, sonyń 9068-i jazylyp shyqty. 197 adam kóz jumdy.
Qazirgi kezde jasandy tynys alý apparattaryna 9, ottegi kontsentratoryna 12, ortalyqtandyrylǵan ottegi kózine 55 adam qosylǵan.
Juqpaly aýrýlar aýrýhanalarynda 286, karantındik statsıonarlarda 32 adam em alýda. 22 adam jansaqtaý bóliminde jatyr.
Qańtarda aýyrǵan balalar sany 131-ge jetti. Qyrkúıek aıynan beri barlyǵy 336 bala koronavırýs juqtyrdy.
Munaı ken oryndarynda jumys jasaıtyn iri kásiporyndardan «Jaıyqmunaı» JShS-da qańtar aıynda 21, «QPO b.v.» kompanııasynda 29 adamnyń aýyrǵany anyqtaldy.
Óńirde barlyǵy 13 zerthanada 49320 zertteýge arnalǵan 986,02 test júıesi bar. Sońǵy táýlikte 1966, indet bastalǵannan beri 321548 PTR zertteý júrgizildi.
Sońǵy aptada (25-31qańtar) Call ortalyqtyń 109 telefonyna 3100 qońyraý shalynsa, sonyń 302-si koronavırýsqa qatysty boldy.
Eske sala keteıik, budan buryn Batys Qazaqstanda koronavırýsqa qarsy ekpe jumystary bastalǵanyn jazǵan bolatynbyz.
