Batys Qazaqstanda bir aptada 650-ge jýyq adamnan koronavırýs tabyldy
ORAL. QazAqparat - Batys Qazaqstan oblysynda sońǵy táýlikte 87, bir aptada 647 adamnan koronavırýs anyqtaldy, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, qazirgi kezde sary aımaqta turǵan óńirde pnevmonııaǵa shaldyqqan 335 adam statsıonarda em qabyldaýda.
Kúni búgin ınvazıvti jasandy tynys alý apparatyna 4, ınvazıvti emes osyndaı qurylǵyǵa 7, ottegi kontsentratoryna 27, ortalyqtandyrylǵan ottegi kózine 109 naýqas qosylǵan.
Óńirdegi 18 ınfektsııalyq statsıonarda 398, sonyń ishinde 25-i jansaqtaý bóliminde jatyr. Karantındik statsıonarda 10 adam emdelýde.
Jyl basynan beri 1051 bala koronavırýs juqtyrdy.
Basqarma málimetine qaraǵanda, iri kásiporyndardan «Jaıyqmunaı» JShS-ynda bıyl 38, «QPO b.v.» kompanııasynan 139 qyzmetkerden indet tabyldy.
Barlyǵy oblysta 22045 naýqas tirkelip, sonyń 17181-i jazylyp shyqty. 327-si kóz jumdy.
Eske sala keteıik, budan buryn BQO ınfektsııa statsıonarlarynda 440-qa jýyq naýqastyń emdelip jatqanyn , Oralda aýrýhana jertólesinen órt shyǵyp, 28 naýqastyń evakýatsııalanǵanyn jazǵan bolatynbyz.
