Batys Qazaqstanda bir aptada 458 adamnan koronavırýs anyqtaldy
BQO densaýlyq saqtaý basqarmasynyń baspasóz qyzmeti málim etkenindeı, sońǵy táýlikte 89 adamnyń indet juqtyrǵany belgili boldy.
Óńirde osy kezge deıin 10393 adam syrqattansa, sonyń 8803-i jazylyp shyqty. 183 adam kóz jumdy.
Pnevmonııaǵa shaldyqqan 254 adam statsıonarlyq, 53-i ambýlatorlyq em qabyldady. Bul dertten 264 adam ómirden ozdy.
Qazirgi kezde ınvazıvti emes jasandy tynys alý apparatyna 4, ottegi kontsentratoryna 17, ortalyqtandyrylǵan ottegi kózine 59 adam qosylǵan.
Juqpaly aýrýlar statsıonarlarynda 285 adam emdelýde. Karantındik statsıonarda 32, jansaqtaý bóliminde 19 adam jatyr.
Qańtarda koronavırýs juqtyrǵan balalar sany 89-ǵa jetti.
Qarashyǵanaq kenishindegi «QPO b.v.» kompanııasynda jumys isteıtinder arasynan osy aıda 22 adamnan indet tabyldy. Al Chınarev kenishindegi «Jaıyqmunaı» JShS-da 11 adam aýyrǵan.
Oblysta 13 zerthana bar. Sońǵy táýlikte 1931 zertteý júrgizildi.
Táýlik boıy úsh aýysymda jumys istep jatqan CALL ortalyǵyna sońǵy aptada (18-24 qańtar) 2935 qońyraý shalynsa, sonyń 290-y koronavırýsqa qatysty boldy. Sońǵy táýlikte 100 qońyraý (25-i indetke baılanysty) qabyldandy.
Eske sala keteıik, budan buryn BQO-da koronavırýsqa qarsy 180 myńnan astam adamdy egý josparlanyp otyrǵanyn jazǵan bolatynbyz.
