Batys Qazaqstanda bir aptada 1200-ge jýyq adamnan koronavırýs anyqtaldy
ORAL. QazAqparat – Batys Qazaqstan oblysynda bir aptada 1197 adamnan koronavırýs anyqtaldy, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, osy kezge deıin óńirde 18704 adam indet juqtyrsa, sonyń 14675-i jazylyp shyqty.
273 adam kóz jumdy.
Pnevmonııaǵa shaldyqqan 460 adam statsıonarda emdelýde.
Qazirgi tańda ınvazıvti jasandy tynys alý apparatyna 2, ınvazıvti emes osyndaı qurylǵyǵa 14, ottegi kontsentratoryna 16, ortalyqtandyrylǵan ottegi kózine 138 adam qosylǵan.
Oblystaǵy 1115 tósektik 11 ınfektsııalyq statsıonarda 589 adam emdelýde. Sonyń ishinde 42-si jansaqtaý bóliminde jatyr.
Karantındik statsıonarda 17 adam dárigerlerdiń baqylaýynda.
Basqarma málimetine qaraǵanda, ótken jylǵy qyrkúıek aıynan beri 907 bala koronavırýs juqtyrsa, sonyń 702-si bıylǵy jyldyń úlesine tıedi.
Eske sala keteıik, budan buryn Batys Qazaqstanda koronavırýsqa shaldyqqan 39 adamnyń jansaqtaý bóliminde jatqanyn, 1 mamyrdan bastap óńirde karantın kúsheıtilip, blokpostar qoıylatynyn, sondaı-aq 29 myńǵa jýyq adamnyń ekpe saldyrǵanyn jazǵan bolatynbyz.
