Batys Qazaqstanda barlyq saılaý ýchaskelerinde daýys berý qalypty júrip jatyr
Sonyń biri - Oral qalasyndaǵy №30 orta mektepte ornalasqan №435 saılaý ýchaskesi óz esigin saılaýshylar úshin aıqara ashty.
Ýchaskelik saılaý komıssııasynyń tóraıymy Gúlshat Bısenǵalıevanyń aıtýynsha, munda barlyǵy 2806 saılaýshy tirkelgen.
«Saılaýshylardyń belsendiligi joǵary. Alǵashqy eki saǵattaı ýaqyttyń ózinde 178 adam daýys berdi. Eń birinshi bolyp 81 jastaǵy qarııa Qadyrhan Qaıyrov, 39 jastaǵy Álııa Spasheva óz tańdaýlaryn jasady. Al 18 jasqa tolǵandar Mereı Baımuratov pen Vasılıı Samohvalov birinshi ret daýys berdi. Óz úılerinde daýys berýge ótinish jasaǵan 8 adam bar. Olarǵa túsqaıta baramyz. Sondaı-aq basqa qaladan kelgender de qolynda talony bolsa, bólek tirkelip, daýys bere alady», dedi Gúlshat Aqylbekqyzy.
Oblystyq saılaý komıssııasynyń tóraǵasy Ǵaısa Qapaqovtyń málim etkenindeı, oblystaǵy 519 saılaý ýchaskesinde 461 468 saılaýshy tirkelgen.
«Osy kezge deıin 34 myńnan astam saılaýshy nemese 7 paıyzy daýys berdi. Saılaý barysyn baıqaýshylar qadaǵalaýda. Bári qalypty ótýde», dedi QazAqparat tilshisine Ǵaısa Hamıdollauly. 
