Batys Qazaqstanda barlyq baǵyttaǵy respýblıkalyq joldar jabyldy
ORAL. QazAqparat – Batys Qazaqstan oblysynda barlyq baǵyttaǵy respýblıkalyq joldar jabyldy, dep habarlaıdy QazAqparat tilshisi.
«QazAvtoJol» UK» AQ BQO fılıalynyń málimeti boıynsha jergilikti saǵat 09.45-ten bastap kóktaıǵaqqa baılanysty barlyq baǵyttaǵy respýblıkalyq mańyzy bar joldar jabyldy.
BQO TJ departamenti respýblıkalyq joldarda tek qoǵamdyq kólikter men taksılerdiń júrýine ruqsat berilip jatqanyn jetkizdi.
Qazirgi kezde Oral qalasynda da qatty kóktaıǵaq.
Eske sala keteıik, budan buryn aýa raıynyń nasharlaýyna baılanysty Oral-Atyraý joly jabylǵanyn jazǵan bolatynbyz.
