Batys Qazaqstanda balyqtardyń ólý oqıǵasy oryn aldy
ORAL. Shildeniń 30-y. QazAqparat /Eljan Eraly/ - BQO-nyń Qaztalov aýdany Saryshyǵanaq kólinde balyqtardyń ólý oqıǵasy oryn aldy. Bul týraly shildeniń 30-ynda oblys ákimi Baqtyqoja Іzmuhambetov málim etti, dep habarlaıdy QazAqparat tilshisi.
Ákimniń aıtýynsha, uzyndyǵy eki shaqyrym, eni júz metr bolatyn kóldiń soltústik-shyǵys bóliginde shortan, kókserke balyqtary qyrylyp qalǵan. Keshe arnaıy qurylǵan komıssııa baryp, mán-jaıǵa qanyǵyp keldi. Sýdyń ýlanýy múmkin emes. Óıtken jaǵdaıda balyqtyń kóp bóligi ólip qalar edi. Ázirge kúnniń aptap ystyǵynan sý qatty ysyp ketkendikten, balyq sýdyń betine qalqyp shyqty degen boljam bar.
Qazir atalmysh oqıǵanyń sebep-saldary anyqtalýda.
