Batys Qazaqstanda balalar arasynda tumaýǵa shaldyǵý jıiledi
BQO sanıtarlyq-epıdemıologııalyq baqylaý departamenti basshysynyń orynbasary Nurlybek Mustaevtyń óńirlik kommýnıkatsııalar qyzmeti alańynda ótken brıfıngide málim etkenindeı, olardyń bári de – 14 jasqa deıingi balalar.
Oblysta jergilikti bıýdjet esebinen tumaýǵa qarsy 67 990 adam egilgenimen, saqtyq sharalaryn umytýǵa bolmaıdy.
Balalar arasynda tumaýdyń jıileýiniń bir sebebi, bıylǵy oqý jylynda mektepterde shákirtter dástúrli túrde oqytylýda. Jalpy, aýrýǵa urynbas úshin adamdar kóp
jınalatyn sharalarǵa barmaǵan jón.
N.Mustaevtyń aıtýynsha, jyl basynan beri koronavırýs juqtyrǵan 30 282 adamnyń 48 paıyzy (14 598) Oral qalasy, 15 paıyzy (4493) Báıterek, 13 paıyzy (3761) Bórli
aýdanynyń úlesine tıedi.
Sońǵy aptada (12-18 qarasha) aldyńǵymen (5-11 qarasha) salystyrǵanda, indet juqtyrý 13 paıyzǵa (207-den 180-ge) tómendedi.
Osy aıda 544 naýqas anyqtalsa, sonyń 290-y (53 paıyzy) JRVI belgilerimen tekserilgen. 146-synan (26 paıyz) profılaktıkalyq maqsatta synama alynsa, 100-i (19 paıyz)
buryn aýyrǵandarmen baılanysta bolǵan. 8-i (2 paıyz) statsıonarǵaa jatqyzar aldynda test tapsyrǵan.
Sondaı-aq 90-y – 14 jasqa deıingiler, 16-sy – 15-17, 30-y – 18-25, 120-sy – 26-40, 129-y – 41-60 jas aralyǵyndaǵylar, 159-y – alpystan asqandar. ıAǵnı koronavırýs egde adamdar
arasynda kóp anyqtalyp otyr.
«Qarasha aıynda 69 oqýshy men 11 ustazdan koronavırýs tabyldy. Sondaı-aq arnaýly orta oqý oryndarynda 6, JOO-da 8 stýdenttiń syrqattanǵany belgili boldy. Kún saıyn muǵalimder men oqýshylar, stýdentter men qyzmetkerler arasynda monıtorıng júrgizilýde», dedi N.Mustaev.
Eske sala keteıik, budan buryn Batys Qazaqstanǵa 29 250
doza Pfizer vaktsınasy jetkizilgenin jazǵan bolatynbyz.
